失戀對於唔少單身人士來講猶如酷刑，因為有朝早到夜晚都會見到情侶放閃，渣住鮮花同埋禮物耀武揚威。
與其怨天尤人、埋怨自己冇人陪，倒不如好好反省一下之前嘅經歷有冇值得改善嘅地方。可能你係上一段感情太過執着愛到失去自我；除咗佢你嘅生活就冇任何寄托，你嘅存在可能令到佢時時刻刻都感受到好大壓力。
喺下一段感情來臨之前，你應該先發展屬於自己嘅興趣，搵返專屬於你嘅個性同埋專長；你都要好好分配一下時間，除咗拍拖都要留番啲時間陪屋企人、朋友，以及最重要係學識獨處，就算冇人陪係你身邊，你都依然可以享受快樂。
如果係因為溝通出現問題，咁你就要先搵出自己習慣用嘅溝通模式。可能你習慣遇到問題一定要講清楚，但係對方就唔鍾意咩都講出口，其實兩個人就根本唔夾。
呢個情況下雙方一定要搵到解決辦法，可能係其中一方改變或者大家一齊改變；如果大家都唔肯改變嘅話就好難行落去。如果唔想行得咁辛苦，下一段戀情就搵個同你價值觀、生活模式比較接近嘅人，大家面對問題嘅時候睇法一致就自然少好多爭執。
想下一段成功，就要好好吸收之前失敗嘅教訓；失得戀多你先會知自己想要咩。 .
.
「美好的 沉澱了 沒有火花不要燒
愛過的 成熟了 犯錯只因失戀太少
要每一根火柴全為這一刻燃燒
就當普天之下情人節 只得數秒」
歌曲：失戀太少
歌手：陳奕迅
作詞：林夕
作曲：陳輝陽
#語錄分享 #hkword #廣東歌 #人來人往 #前任 #分手 #失戀 #hkmusic #cantonpop #canvalovestory #可一可在 #漸漸 #富士山下 #失憶蝴蝶 #任我行 #K歌之王 #明年今日 #easonchan #陳奕迅 #黃金時代 #hkpop #漸漸 #黑洞 #無條件 #床頭床尾 #我們萬歲 #龍舌蘭 #失戀太少 #林夕 #陳輝陽 #情人節
Search